Mwimbieni Bwana ‎#252

252. Nakuimbia wewe Bwana

1 Nakuimbia wewe Bwana
hakuna mwingine kama wewe.
Nakuimbia nyimbo zangu,
unipe nguvu ya roho wako,
anifundishe nyimbo za sifa,
niziimbe kwa jina la Yesu.

2 Baba univute kwa Mwanao,
Mwanao anivute na kwako.
Mtakatifu uniongoze,
mawazo yangu yawe mazuri.
Amani yako ikae mwangu,
nikuimbie kwa furaha kuu.

3 Ukinisaidia hivi,
Bwanangu, nitaweza kuimba
kukusifu wewe vizuri
kwa roho na kwa kweli kila saa.
Maana Roho aniongoza
niimbe malaika waimbavyo.

4 Naomba nilivyofundishwa
na Roho wako, yakupendeze.
Nawe unasikia yote
sababu ya Mwana wako Yesu,
aliyenifanya mtoto wako
na mrithi wa ufalme wa mbingu.

5 Ni heri nikijua haya!
Naweza kukuomba vizuri:
Najua kila kitu chema
nitakachoomba nitapewa,
sababu kila kipaji chema
kinashuka kutoka kwa Baba.

6 Naomba kwa jina la Yesu,
aniombeaye kwake Mungu.
Lolote nitakaloomba
kwa jina lake Bwana anipa.
Sababu hii nakusifu Bwana,
nakushukuru kwa nyimbo zangu.

Text Information

• First Line: Nakuimbia wewe Bwana
• Title: Nakuimbia wewe Bwana
• German Title: Dir, dir, Jehova will ich singen
• Author: B. Crasselius
• Language: Swahili
• Publication Date: 1988
• Topic: Kumtambikia Mungu: Kumsifu na kumwomba Mungu
• Notes: Sauti: Dir, dir, Jehovah will ich singen by B. Crasselius, Asili: Halle, 1704, Posaunen Buch, Erster Band #8, Nyimbo za Kikristo #200

Tune Information

(No tune information)