I Jesu Namn Me stemna fram til Himmelhamn

1 I Jesu Namn
Me stemna fram til Himmelhamn.
Med Krist um Bord
Me styra yver Livsens Fjord.
Naar han er med,
Me fara i Guds Fred.

2 I tyngste Trong
Til Himmels stig daa upp vaar Song.
Der styrer han,
Som all vaar Vande venda kann
Og snu vaar Graat
Til Song og Sigers Laat.

3 Sjaa upp og tru
Paa Gud igjenom Graat og Gru!
For Trui kann
Deg bera gjenom Eld og Brand.
Um Allting brest,
Di Tru til honom fest!

4 Sjaa upp med Von
Til den velsignade Guds Son!
Han hjelper fram
Og aldri gjer di Von til Skam.
Naar fast du held,
Hans Ord stend fast som Fjell.

5 Sjaa upp og statt
I Striden trugen Dag og Natt!
Og i si Tid
Til Siger sører Gud din Strid.
So statt daa vel!
Hald fast som Israel!

6 Sjaa upp og bed!
So sender Herren deg sin Fred,
So Hjartat er
Alt stillt og sælt i Striden her
Og veit so risst,
Du sigrar daa tilsidst.

Source: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg: Kirkesalmeboger og Almedigter af Biskop J. N. Skaar, med 79 portræter, og Kirkemusiker og Kirkemusik... #671