203. Hom-frato, amu kore fraton vian

1. Hom-frato, amu kore fraton vian!
Ĉar paco fontas el la kompatem'.
Adori estas: ami fraton sian;
Himnado, preĝ': rideto, bon-farem'.

2. La religio, kiun Kristo konas,
Al kor-rompitoj venas kun esper';
Perditojn trovas; helpon ame donas
Al orfoj kaj vidvinoj en mizer'.

3. Sekvadu do al sankta la ekzemplo
De Lia bon-farado kaj hom-am'.
La mondo estos vasta Dia templo;
La tuta vivo: ĝoja danko-psalm'.

4. Milito mortos tiam de la tero,
Katenoj krevos per la Dia grac'.
Fortretos am' la fajron de kolero,
Kaj tie plantos arbon de la pac'.

Text Information
First Line: Hom-frato, amu kore fraton vian!
Title: Hom-frato, amu kore fraton vian
English Title: O brother man, fold to thy heart thy brother
Author: John Greenleaf Whittier (1848)
Translator: Montagu Christie Butler
Language: Esperanto
Scripture:
Topic: Human Brotherhood; Unity and Peace
Tune Information
Name: LONDONDERRY AIR
Source: Traditional Irish melody


Tune Information:

Also called Derry Air and Londonderry


Media
MIDI file: Londonderry Air
MIDI file: Londonderry Air (faster)
More media are available on the tune authority page.

Suggestions or corrections? Contact us