رنموا للرب ‎#685

685. أمور الله عجيبه

1- أمور الله عجيبه
مواعيده عجب العجاب
يغير الأزمان
ويسبب الأسباب
إذا عداني في صحرا
يفتح لي ينبوع في صخره
وإذا اشتدت مجاعه يبعت
خبزي ويا الغراب

قرار:
إلهي صخر الدهور
لا ينعس لا ينام
قدامه الكل واضح
في النور زي الظلام
والقدره في إيده وحده
والكل يخضع لمجده
ولأني غالي عنده
قلبي مليان سلام

2- محبة الله عجيبه
تعلا فوق الجبال
محبه كمان قريبه
ثابته في كل الأحوال
يا حبه يا طول أناته
لكل ولاده وبناته
أب مثالي ورعايته
هي كمال المثال

3- سلام الله عجيب
ويبان وسط الخطر
تلقى المؤمن يرنم
رغم الألم والضرر
علشان في قلبه إيمان
بالله رب الأمان
الناس شايفه جفاف
وهو شايفه مطر

Text Information

• First Line: أمور الله عجيبه
• Refrain First Line: إلهي صخر الدهور
• Language: Arabic
• Publication Date: 2007

Tune Information

(No tune information)