رنموا للرب ‎#642

642. عالي لفوق انا رافع إيدي

1- عالي لفوق انا رافع إيدي
عندك، ملكي وعزي وسيدي
وبعز انا مش عاوز حاجه
إن كانت مش راح ترضيك
أبدا أبدا ولا يغنيني
ولا يشبع قلبي ويرويني
ولا يملا عيني ويكفيني
غير بس اللي تجود بيه إيديك

2- رافع إيدي بفخر وباعلن
إنت يا صاحب الوعد بتضمن
إنك تصنع للي فعلا
حط رجاء أيامه فيك
أبدا أبدا مش مستني
حد من الدنيا يطمني
أو مسنود على غيرك لكن
سندي ها يكون كله عليك

3- رافع إيدي بنصره وباهتف
طاير زي النسر بارفرف
عالي عالي ومليان قوه
إنت أمين وانا باشهد ليك
أبدا أبدا مش متساب
وحدي هنا في دنيا الأتعاب
مليان قلبي سلام من وعدك
"رب المجد بذاته حاميك"

Text Information

• First Line: عالي لفوق انا رافع إيدي
• Language: Arabic
• Publication Date: 2007

Tune Information

(No tune information)