606 | رنموا للرب#607 | 608 |
Text: | لما اقعد معاك |
1- لما اقعد معاك
ليه فكري يروح بعيد؟
وبدال ما اصلي لك
ذهني يبقى شريد؟
مش إنت غالي على قلبي
موضوع آمالي شايل ذنبي؟
قرار:
لازم تغلى في عينيّ أكتر واكتر
ومحبتك جُوا في قلبي تملا وتكبر
لازم تكون غالي
وحبي ليك يزيد
2- لما اقعد معاك
ليه مش بالقى الكلام؟
في ضعفي باستناك
لكن ما فيش سلام؟
مش انت قايل "سلامي ليك"
وانت اللي شايل حملي عليك؟
3- لما اقعد معاك
فين راح يكون الروح؟
هو اللي يكلمك
ولا تقول الجروح؟
مش انت واعد روحك لينا
يرشد يساعد يقوينا؟
4- لما اقعد معاك
ليه بانسى إحسانك؟
اشغل قلبي بسماك
فأعيش علشانك؟
مش إنت راجع لينا تاني
ونسيب مواجع عالم فاني؟
Text Information | |
---|---|
First Line: | لما اقعد معاك |
Refrain First Line: | لازم تغلى في عيني أكتر واكتر |
Language: | Arabic |
Publication Date: | 2007 |