Text:Eg Syn og Hjarta lysta maa
Author:Kingo

674. Eg Syn og Hjarta lysta maa

1 Eg Syn og Hjarta lysta maa
Til Berget upp og Jesus sjaa
I Guddoms Ljos og Klaare.
Eg fylgja vil i Saal og Sinn
Og lytta i den Gleda inn.
No ingi Sorg meg saare,
Og ingi Lyst meg daare!

2 I Tru og Ande ser eg daa
Alt det, Apostlarne fekk sjaa,
Og ut den Syn maa kveda,
At Jesus paa sin Pinsleveg
I Guddoms Skapnad syner seg
Og vil i Lhos seg klæda
Med Himmel-Glans og Gleda.

3 Hans Aasyn klaart som Soli skein,
Hans Klædnad vart som Ljoset rein
Og straalad vænt og vida.
Daa Moses og Elias kom
Og talad um Guds djupe Dom:
Kvat Daube han skal lida
med pina, Kross og Kviada.

4 All Verdi gløymde Peter daa,
Seg sjølv han gjekk so reint ifraa,
Den Bon han vaagad gjera:
Aa lat oss byggja her aat deg
Og aat Guds menner, kvar fyr seg,
Eit Hus i denne Æra!
Her er so godt aa vera.

5 Min Jesus, her eg kann det sjaa,
Gud let den Himmelglans deg faa,
Fyrr Daudens Sky deg møtte:
Daa du i Urtegarden stod
Og stridde hardt uti ditt Blod,
Og Gru ditt Hjarta grøtte,
Daa fyr mitt Brot du bøtte.

6 Og dermed vil du minna meg:
Naar Kross og kvida paa min Veg
Som Daube-Sky seg breider,
So skal mitt Hjarta tenkja paa
Den Gleda, eg ein Gong skal faa,
Naar du kvar Sorgsky spreider
Og meg til Himmels leider.

7 Eg gjeng i denne Graatar-Dal,
Du veit paa mine Taaror Tal;
Naar skal min Veg daa bera
Upp til det Tabor, der eg kann
Deg sjaa, min søte Frelsarmann,
I Herlegdom og Æra.
Der ingi Naud skal vera!

8 Du tek daa eingong Skyi burt,
Du gjer mi Lengting lett og kort.
Aa kom og so det maka,
At snart du kann meg føra ut
Fraa Synd og Daude, Sorg og Sut
Til Livsens Arv aa taka
Og stodt di Sæla smaka!

Text Information
First Line: Eg Syn og Hjarta lysta maa
Author: Kingo
Language: Nynorsk
Publication Date: 1897
Topic: Salmar til Kyrkjeaaret: 6. Sundag etter Trettandedag; Hymns for the Church Year: Sixth Sunday after Three Kings Day; Herliggjørelsen (5 more...)
Notes: Etter Kingo; Tone: Min Sjæl og Aand opmuntre dig (L. 416)
Tune Information
(No tune information)



Suggestions or corrections? Contact us