M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#672

672. Aa Herre Krist, kor illa stend

1 Aa Herre Krist, kor illa stend
Det Sæde, som du saadde!
Kvat Grøda er av Ordet kjend,
Som du i Kyrkja straadde?
Der eingong vænt i Vokster stod
Di Grøda god
Og fager Skurd deg spaade.

2 No er din Aaker arm og tunn,
Det er so laakt eit Lende.
No brydder paa din Kyrkjegrunn
Det Frae, din Fiend sende.
Men sædet, som du heve saatt,
Det gror so smaatt.
Aa Gud, for vondt eit Vende!

3 So allslags Ugras yver gror
Og paa din Grunn seg breider.
Og Vantru veks seg sterk og stor
Og hindra vil din Heider.
Vaar Tru og Kjærleik er so arm,
Men, Hat og Harm
Seg syner alle Leider.

4 Du kunde vel med veldug Arm
Deim upp med Rotom riva.
Men Naaden sigrar i din Barm:
Du dine Aks vil liva,
Og læt ei Stund dei Vonde staa
Og prøvar paa
Deim so til Bot aa driva.

5 Men trugne venta dine Born
Den Stund, daa du vil døma:
Daa skal dei som ditt Kveite-Korn
I Himmerike bløma.
Dei Vonde daa som visne Straa
Sin dom skal faa,
Og ingen undan røma.

6 Aa Jesus, verna daa dit Verk,
Vekk Livet i di Kyrkja!
Ho er so arm, men du er sterk
Og kann det Veike styrkja.
Gjer Kyrkja so ved Livsens Ord
Til Ljos paa Jord,
Som Vantru ei kann myrkja!

Text Information

• First Line: Aa Herre Krist, kor illa stend
• Author: Blix
• Language: Nynorsk
• Publication Date: 1897
• Topic: Salmar til Kyrkjeaaret: 5. Sundag etter Trettandedag; Hymns for the Church Year: Fifth Sunday after Three Kings Day; Kirken; The Church; Femte Søndag efter Hellig Tre-Kongers Dag: Til Hoimesse; Fifth Sunday after Holy Three Kings Day: High Mass
• Notes: Tone: Maria hun er en Jomfru ren (L. 297)

Tune Information

(No tune information)