M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#670

670. Ein Baat i Stormen duvad

1 Ein Baat i Stormen duvad,
Men Jesus var um Bord.
Hans Læresveinar gruvad,
Daa Baara braut paa Fjord.
Men sjaa, daa Jesus vaknad
Og trugad Storm og Hav,
Daa Vind og Vaager spaknad,
Og Vedret stillnad av!

2 Vaar Gud kann Under verka,
Veit Raad i rette Tid!
Det skal kvar Kristen merka
I Livsens Storm og Strid.
So tarv me aldri klaga,
Naar han er med um Bord,
Som Vind og Vaag kann aga
Og stilla med eit Ord.

3 Naar Jesus vil oss fylgja,
Me fara fram so trygt
Vaar Leid paa Livsens Bylgia,
Um og det stormar stygt.
Igjenom Brim og Baara
Hans Røyst me høyra kann,
Som Vedret upp kann klaara
Og lysa oss i Land.

4 Me ganga her og gruva,
Naar Vegen ber imot;
Me snaava i kvar Tuva,
Som møter her vaar Fot.
Men naar me ned vil siga,
I Jesu Fang me fly
Og sterke atter stiga
Som Ørn i Ungdom ny.

5 Og naar fraa denne Verdi
Me venda skal vaar Stamn,
Fylg, Jesus, med paa Ferdi
Og før oss vel i Hamn!
Du Vegen veit og Maaten,
Du kjenner Maal og Med:
Naar du er med paa Baaten,
Me fara heim i Fred.

Text Information

• First Line: Ein Baat i Stormen duvad
• Author: Blix
• Language: Nynorsk
• Publication Date: 1897
• Topic: Salmar til Kyrkjeaaret: 4. Sundag etter Trettandedag; Hymns for the Church Year: Fourth Sunday after Three Kings Day; Tillid; Trust; Fjerde Søndag efter Hellig Tre-Kongers Dag: Til Hoimesse; Fourth Sunday after Holy Three Kings Day: High Mass

Tune Information

(No tune information)