661. Sjaa, Heidningar leggja mot Herren Raad

1 Sjaa, Heidningar leggja mot Herren Raad,
Og Kongar mot Kristus rasa.
Men Herren han lær aat deira Daad,
Han kann deim som Krusty knasa.

2 Vaar Frelsar maa sara til framandt Land,
Av Fienden trengd og trugad.
Han ikkje ein Heim paa Jordi fann,
For Verdi paa Vondt var hugad.

3 Han flydde fyr Meinraad og Mordarsverd,
Som dei mot hans Hjarta vende.
Slikt røynde han av ei syndug Verd,
Som ikkje sin Frelsar kjende.

4 Men Gud honom friad fraa Fiends Hand
Og honom sin Engel sende,
Og atter ifraa Ægyptarland
Han heim i Guds time vende.

5 Min Jesus, eg ferdaft paa Jord som Gjest
Og ikkje meg heime kjenner.
Til Himmelen er mitt Hjarta fest,
Og Heimhugen i meg brenner.

6 Det Vonde, du leid i ditt Jordlivs Stand,
Det likeins ditt Folk maa lida.
Her fara me gjenom Fiendland
Og maa fyre Livet strida.

7 Og Verdi oss aldri vil kannast ved,
For Hermerket ditt me bera.
Og skulde ho med oss halda Fred,
Me maatte av Verdi vera.

8 Aa Herre, lat aldri oss fara villt
Og Hugen til Verdi venda!
For daa er vaar Von um Siger spillt.
Lat aldri so vondt oss henda!

9 So fer eg paa Jord som ein framand Mann
Og trutt paa mi Heimferd ventar,
Til eingong du or Ægyptarland
Til Kanaan heim meg hentar.

Text Information
First Line: Sjaa, Heidningar leggja mot Herren Raad
Author: Blix
Language: Nynorsk
Publication Date: 1897
Topic: Salmar til Kyrkjeaaret: Sundag etter Nyaar; Hymns for the Church Year: Sunday after New Year; Tillid (3 more...)
Notes: Tone: Apostlerne sad i Jerusalem (L. 435)
Tune Information
(No tune information)



Suggestions or corrections? Contact us